我在墾丁天氣非常晴（ＩＩ）

食是今次旅程其中一個重要目的，預咗去完旅行會肥幾磅，已經豁了出去食完再算，見到美食點忍得口吖！

落咗機搞掂啲行李後，梗係要擦餐飽先啦。坐捷運到忠孝敦化嘅鼎泰豐，點知午市已過，店員指引我們向前步行多十多分鐘到ＳＯＧＯ分店，好在仲有得食。


最出名嘅小籠飽，皮薄但不易穿，肉汁滿溢，係賣飛佛！


牛肉麵，頂瓜瓜，味道確唔同，營養又唔差


蝦肉燒賣，有點怪，噢畸嘅


Ａ菜


千層油糕，啲粉好“痴牙”，我覺得麻麻


台灣嘅夜市好出名，出發前編排行程時已安排每晚要行唔同嘅夜市“掃街”，聽當地人講有個叫寧夏夜市嘅食物地道又實惠，一試後真係無講錯，行一步食一檔，每一檔都超好味，下次可以再幫襯。








呢個係全個旅程最好食嘅嘢﹣蔥餅，非常香口，蔥粒大大粒好厚肉，連唔係好食蔥嘅人都讚好味




台灣啲鹵水食物好出名，鹵鴨舌豆腐燒完後十分惹味


早上去了北投浸溫泉，這間叫川湯嘅浴場內設食肆，在富有東洋風味嘅環境嘆和食，以為自己身處日本添！
















晚上行士林夜市，人太多又掛住食，無影相，食完要捧住個肚返酒店，超滿足！


第三日乘坐酷似日本新幹線嘅高鐵落高雄，遊覽市外嘅哈瑪星和旗津島，試了著名嘅魚丸、汕頭麵和冰淇淋，有點佩服自己的消化力！














夜晚秉承我們嘅掃街精神，在六合夜市由街頭掃到街尾，食咗胡椒餅、一口煎餃、燒烏魚子、生果、珍珠奶茶等，個肚滿載而歸。








第四日到達墾丁，在這充滿熱帶氣息嘅地方食泰國菜，風味跟正宗泰菜沒有多大分別，完全忘記了原來身處台灣。




月亮蝦餅，好食到唔捨得請


泰式炒河


炒通心菜


鳳梨炒飯


綠咖哩蝦


我哋叫錯咗嘅餸，以為是串燒，原來係炒肉崧，仲鬼死咁辣


晚上在短短嘅墾丁大街逛夜市，吃了新彊牛肉串、臭豆腐（唔係好臭）和霹靂大熱狗，然後行手信舖大肆搜刮禮品後再食碗牛肉麵，完成了一連四晚行夜市之壯舉！











早上在民宿嘅露台食咗個精緻（細）早餐，要準備黯然不捨離開帶給我們美好回憶的台灣。但《我在墾丁天氣非常晴》特輯還未完，敬請密切留意追看，拜～

我在墾丁天氣非常晴（Ｉ）

工作了一段時間，身心疲倦，能量棒只剩一格，係時候要散心散心，好讓自己叉足電後再搏殺。

台灣，香港人頭號熱門渡假聖地，勝在地方近美食多易溝通洗費平，搭一個鐘頭機就可以去到另一國度嘆世界，是泰國以外又一放假好去處。

今次個trip五日四夜，台北高雄加墾丁，三地有不同特式，滿足了不同的需要和享受。台南台北，不同的地區，一樣的熱情。
Taiwan, I'll be back!

第一篇，先看看住宿。




這間由舊樓改裝的精品酒店﹣福泰桔子酒店，鄰近台北火車站，交通非常方便，價錢公道，房間面積雖小但五臟俱全，值得推介。








高雄市比台北市整齊和寧靜，人和車都少些。我們住的寒軒國際大酒店，話就話座落高雄市的商業中心區，但由捷運站步行到酒店也要十五分鐘，沿途水盡鵝飛，要shopping不如坐捷運到夢時代廣場喇！



我們住三十九樓，個窗對正高雄地標８５大樓和望到海景，豁然開朗哂！間房一點也不“寒酸”，俾個名嚇親。











上網睇別人去墾丁嘅blog大都介紹人哋住民宿，我哋一於試試，果然無介紹錯。其實民宿就是小型酒店，每一間都各具特色，大把選擇。我們住係近海邊嘅寧靜海，住嘅四人房竟然有個“扎姑池”，真係第一次見咋！



















坐在露台對住個海食早餐，好鬼寫意。下次會講食，請繼續收睇，謝謝！