每日都不難從新聞報導中聽到有關交通意外的消息，似乎路上零意外的日子仍然是遙不可及，今天還差點兒成為意外中的一份子！
今早駕車出九龍，在獅子山隧道中已發現有一部黑色的私家車緊隨在我車後，而當駛到浸會橋面落斜時，前面有車子突然慢駛，我當然隨即煞車減慢並亮起慢駛燈號提示後方車輛，這時從倒後鏡中看到那輛黑色房車急煞停，只差一丁點就撞到我的車尾了。這一刻我捏一把汗，同時心裡暗罵那跟車太貼的司機，遲早一日會攘成交通意外。
相信每一位司機學車時都要熟讀交通規則，可惜有很多人考到駕駛執照後就把學過的拋諸腦後，妄顧他人安全的駕駛態度實在不可容忍。到底要到哪一天，才沒有交通意外的新聞呢？
2008年11月10日 星期一
路上零意外
訂閱：
張貼留言 (Atom)
16 則留言:
好險啊~
好彩啊~
好彩啊~
好驚啊~
好完未呀？
未呀~
原來你個blog可以咁...
好玩啊~
:p
好多人以為自己手車好掂，事實唔係囉 ~~
我依頭啲人特別鍾意衝紅燈，又或者以為人地都咁鍾意，燈位係最多意外發生既地方。
我揸車有時都好燥，但安全距離係基本野，一定唔可以疏忽。
我有次上橋join慢線,見巴士仲有段距離,所以出車,但架巴士冇減速不特只,仲踩行油衝過嚟,我即dup停，架巴士係只有一隻手掌位擦身而過！！我當時很嬲，想即時追前狂boo佢，但最後都冇，但當時真係相當危險！
意粉，
唉，如果個個都識咁諗，就真係天下太平了。
黑柴，
唔好同啲就算成車人性命睇佢手都咁唔負責任的司機癲，其實我最驚係啲職業司機，好似條路淨係屬於佢哋咁。
係呀,煞完車,望完前要望埋後面, 以防萬一 !
我每天都見到大大小小的交通意外 !
老狗同galaxy咁似樣嘅
Ｄ惘故安全嘅自私鬼，通街都係，我返別野條路見到嗰Ｄ貨櫃車快得驚人，以為自己係炮彈飛車
有時見D車跟到想KISS咁, 唔明乜心理!
最近好鍾意留意人地車尾乘客, 發覺近半人冇攬安全帶....
朋朋~你老花呀?
咁遠都睇到人地無攬安全帶嘅...
?.?
丸丸:
當你等過馬路時就好易望到, 不過睇得多真係會老花嫁!
Galaxy,
揸車真係要一眼關七，反應要敏捷，少Ｄ精神都唔掂。
大叔，
返別墅時小心Ｄ呀，你行得慢Ｄ烈火戰車唔曉敬老嫁。
朋朋，
阿荔枝個細佬就係無攬安全帶出事，Ｄ人真係唔知死字點寫。
邪邪，
唔一定老花先睇到，有時盲嘅都睇到。
狗狗...
你都可能有小小老花喇...
佢哋叫我做"丸丸"(你睇親切幾多~)
唔係叫"邪邪"呀~
知嗎~
:p
張貼留言