濠江喪食篇

正所謂辛苦得來志在食，前一排做到扒街，唔好好大吃就對唔住自己了，所以請了假，去梳打埠打過轉喪食一番。




去做個威尼斯人，食個西化少少的午餐。
（Fatburger : Double Fatburger with Cheese + 薯條 + 汽水，盛惠MOP $95）





行完個超大的商場和賭場（餵了吃錢的老虎機），有點餓，又去了氹仔食出名的豬扒飽。可惜錯過了豬仔飽的出爐時間，只能吃餐飽夾豬扒，好過無。豬扒肉嫩多汁，配杯大檸樂，正！




旅行心情暢快，肚子也特別快餓，選了位於路環的名店法蘭度食正宗葡國菜，最正係燒中蝦，非常惹味，而且夠碟頭，飽到差啲要爆紐。





另外，唔記得邊餐打邊餐加插了義順炖蛋和瑪加烈葡撻同埋在手信街狂試食，原來我的消化能力都幾強，要做番啲運動先得。