游走曼谷第三天

可以再食Pullman的早餐，好開心，但為了陣間游水時保持完美體態，不能吃太多，食咁多算咯。突然有一隊走路時特別儀態萬千的女士進入餐廳，各人肩上斜搭著如香港小姐的絹帶，原來是入住本酒店的泰國小姐選舉佳麗來食早餐，不知她們吃早餐會否只吃沙律和飲清水呢？





今早天色明朗，只有幾片白雲，而太陽外有一道環狀彩虹圍著，究竟是甚麼天文現象？





終於可以和陽光玩遊戲，而且有點玩過龍，皮膚有點痛，是時候要收手去搵食，向今日的戰場Siam Center、Siam Discovery Centre和Siam Square一帶出發先。


在Siam Center裡找到這一間餐廳，是中泰混血兒，通常混血的好似我咁靚（變態熊話），唔知這間是否例外？





窗外對著Siam Paragon，個view唔錯，啲嘢食就一般，唔中唔泰唔知點？不如繼續行街，行到腳跛先算！





弊，真係行到腳就跛，到了BTS Ari站旁的Villa Market，貌似factory outlet，但其實得幾間鋪頭，見到在曼谷有幾間分店的Another Hound，食泰菜加西餐，就不加思索的衝入去，段估衰極有譜。





點了海南雞飯、泰式海鮮炒意粉、荔枝沙冰、凱撒沙律和朱古力香蕉蛋糕，這一餐就十分yummy yummy了，超滿足！


夜了回歸酒店，明天是假期最後一天，要玩盡才回香港！